အောင်မြင်သော လက်လီအရောင်းဆိုင်တစ်ခု တည်ထောင်နိုင်ဖို့ ဆိုရင် ဒီအခြေခံလေးတွေ နားလည်ဖို့ လိုပါတယ်။
လက်လီဆိုင်လုပ်ငန်းကို လုပ်ကိုင်နေကြတဲ့ လုပ်ငန်းရှင်ဖြစ်စေ၊ ဝန်ထမ်းဖြစ်စေ မိမိလုပ်ငန်း အောင်မြင်ဖို့ရာမှာ –
လက်လီဆိုင်ကိုလာကြတဲ့ Customer အမျိုးအစား ပုံစံတွေ
ဒီ Customer တွေ ရဲ့စိတ်ထဲမှာ ဘာတွေရှိနေလဲ ဆိုတာနဲ့
သူတို့ စိတ်ကျေနပ်မှု အပြည့်အဝရအောင် ဝန်ထမ်း တွေအနေနဲ့ ဘယ်လိုဝန်ဆောင်မှုတွေ ပေးရမလဲ ဆိုတဲ့ အပိုင်းသုံးခုကို ဆွေနွေးပေးပါမယ်။
(က) လက်လီဆိုင်တွေကို လာတဲ့ Customer တွေကို အခြေခံအားဖြင့် ခွဲခြား ကြည့်မယ်ဆိုရင် …
သင့်ဆီအမြဲလာနေတဲ့ ဖောက်သည်စစ်စစ်တွေ။ ထွက်သမျှဝယ်မယ်၊ လိုတိုင်းလာမယ်၊ (ရာခိုင်နူန်း ၂၀% မှ ၅၀%လောက်အထိရှိနိုင်)
Discount ပေးလို ့၊ Promotion ပေးတာတန်လို ့ဆိုပြီး လာဝယ်တဲ့ Customer တွေ
လမ်းကြုံဝင်လာရင်းနဲ ့လိုမယ်ထင်တာလေးတွေ အဆင်သင့်ရာ ရွေးဝယ်တတ်တဲ့ Customer တွေ
တကယ်လိုအပ်လို ့သေသေချာချာ ဆိုင်ရွေးပြီး လာဝယ်တဲ့ Customer တွေ
လျှောက်လည်ရင်း အကြောင်းတခုခုနဲ ့ စိတ်ဝင်စားလို ့ဝင်ကြည့်မယ့် Customer တွေဆိုပြီး တွေ ့နိုင်ပါတယ်
ဒီ ၅ မျိုးစလုံးကို ဂရုစိုက်ရပါမယ်။ ဘယ်သူ ့ကိုမှ လျှော့ပြီးဆက်ဆံလို ့မရပါဘူး။ တစ်မျိုးခြင်းစီအတွက် မတူညီတဲ့ အရောင်း မဟာဗျူဟာ ၊နည်းဗျူဟာ တွေချမှတ်ရပါမယ်။ (ဒါကိုတော့ နောက်မှဆွေးနွေးပါမယ်)။
(ခ) Customer တွေ အဓိက လိုချင်တဲ့ (၄)ချက်
သေသေချာချာ နားလည်ချင်တယ်။
နွေးနွေးထွေးထွေး ပျူပျူငှာငှာ ကြိုဆိုစေချင်တယ်။
အလေးပေး ဂရုစိုက်စေချင်တယ်။
သက်သောင့် သက်သာ အေးအေးဆေးဆေး ဈေးဝယ်ချင်တယ်။
ခင်ဗျားတို ့ဘာရောင်းနေတာလဲ။ ဘယ်လိုဝယ်ရမှာလဲ၊ ဘယ်ဈေးနဲ့လဲ၊ အစရှိသည်ဖြင့် သေသေချာချာ ရှင်းပြတာကို လိုချင်ပါတယ်။ နားလည်ချင်ပါတယ်။ သူတို့ကို လှိုက်လှိုက်လှဲလှဲ ဝမ်းပမ်းတသာ ကြိုကြတာကို လိုချင်ပါတယ်။ ဦးစားပေးတာ၊ ဂရုတစိုက်ရှိပြတာကို အရမ်းကြိုက်ပါတယ်။ မပင်မပန်း၊ အေးအေးဆေးဆေး အနှောင့်အယှက်ကင်းကင်းနဲ ့ဈေးဝယ်ချင်ပါတယ်။
(ဂ) အောက်ပါဝန်ဆောင်မှု ပုံစံလေးတွေကို လုပ်ငန်းရှင်ရော၊ ဝန်ထမ်းတွေပါ လုပ်သင့်ပါတယ်။
Customer အား နှုတ်ဆက်သည့်အခါ မျက်နှာချင်းဆိုင်ဖြစ်စေ တယ်လီဖုန်းဖြင့်ဖြစ်စေ ပြုံးပြီးနှုတ်ဆက်ပါ။ (မျက်နှာမမြင်ရသော်လည်း သင်ပြုံးနေလျင် သင့်အသံချိုနေပါလိမ့်မည်။)
အသက်အရွယ်အလိုက် ရိုသေမှုပြုသော စကားလုံးများ သုံးပြီးနှုတ်ဆက်ပါ။
မိမိဘက်ကစတင်၍ ကူညီမည့် အရာမျိုး (သို့မဟုတ်) စကားလုံးဖြင့် ပြောဆိုပါ။
ပျာယာမခတ်ပါနှင့်။ အသင့်အနေအထားဖြင့် Customer မြင်ရလျင် အကူအညီ တောင်းလွယ်စေရန်နေပါ။
မိမိရှေ့ရှိ Customer ကိုသာအာရုံစိုက်ပါ။ လှည့်ထွက်သွားခြင်း၊ ကျောပေးနေခြင်း၊ ဖုန်းပြောခြင်းများမပြုရ။
သင့်မျက်စိရှေ့တွင် ရှိနေသော Customer သည် အရေးအကြီးဆုံး ဖြစ်သည်ဟု မှတ်ယူပါ။
အဝတ်အစား၊ အသုံးအဆောင် အစရှိသည့် အပေါ်ယံကြည့်၍ အကဲမဖြတ်ပါနှင့်။
အစားအသောက်များကို Customer ရှေ့တွင် (လုံးဝ)မစားရပါ။
Customer တစ်ယောက်အား အစအဆုံး ဝန်ဆောင်မှု ့ပြီးစီးမှသာ သင့်တာဝန်ကျေပါသည်။
ပုဂ္ဂိုလ်ရေး ဖုန်းပြောခြင်းများက ိုအနားယူသည့်အခါ (သို့မဟုတ်) Customer မကြားနိုင်သည့် နေရာတွင်သာ ပြောရမည်။
မသိဘူး၊ မရှိဘူးဆိုသော စကားလုံးဝ မပြောရ။ ကြိုးစားပေးပါ့မည် (သို ့) အပြုသဘောဆောင်သော စကားကိုသာ ပြောရမည်။
Customer လိုချင်သော ပစ္စည်းပြတ်နေလျှင်တောင် ချက်ချင်းမပြောရပါ။ ကြိုးစားရှာကြည့်ပေးရ မည်။ မိမိဆိုင်တွင် လုံးဝပစ္စည်းပြတ်နေပါကလည်း အခြားဆိုင်ခွဲများသို့ လမ်းညွှန်ပေးရမည်။
Customer ၏အမှုအရာကို အကဲခတ်နိုင်ရမည်။ လိုအပ်လျှင်ကူညီရမည်။
စောင့်ဆိုင်းနေသော Customer များရှိနေလျှင် Customer တစ်ယောက်ထဲ အတွက် အချိန်ကုန်မခံပါနှင့်။ အချိန်ကိုမျှပေးပါ။ လိုအပ်လျှင် ကျန်သူများ၏ အကူအညီကို ယူပါ။
Customer တစ်ယောက်၏ရှေ့တွင် အခြား Customer အကြောင်းကို မဆွေးနွေးပါနှင့်။ အတင်းမပြောပါနှင့်။
Customer ဆိုင်မှ မထွက်ခွာမှီ ၄င်းဝယ်ယူထားသော ပစ္စည်းများ ပြည့်စုံမှုရှိ / မရှိ၊ မှန်/ မမှန်၊ လက်ဆောင်ပစ္စည်းများပါဝင်မှု မိမိဆိုင် ကြော်ငြာ လက်ကမ်းကြော်ငြာများ အစရှိသည်တို့ကို စစ်ဆေးပါ။
ပြန်ခါနီး နှူတ်ဆက်ရာတွင်လည်း ကျေးဇူးတင်ကြောင်းနှင့် နောက်တစ်ခါလာဝယ်ပါရန် ရင်ထဲမှ ပြုံး၍ လှိုက်လှိုက်လှဲလှဲ ပြောပါ။
လေးစားစွာဖြင့်
