အပြုသဘော တွေးတောနည်းကို နားလည်သဘောပေါက်ခြင်း
အပြုသဘောဆောင်သော စဉ်းစားတွေးခေါ်မှုက သင့်ဘဝမှာ အကောင်းဆုံးများကို ရရှိလာအောင် ကူညီဆောင်ရွက်ပေးပါလိမ့်မည်။ သင့်ဘဝကို ပိုမို၍ အပြုသဘောဆောင်အောင် ပြုလုပ်ရာ၌ ပထမဦးဆုံးခြေလှမ်းမှာ သင်၏ခံစားမှုများ၊ အတွေးများနှင့် ယုံကြည်မှုများအား သင့်အနေဖြင့် သတိမူမိရေးပင် ဖြစ်တော့သည်။
အဓိကကျသော သဘောထားများကို ပိုင်ပိုင်နိုင်နိုင် ဆုပ်ကိုင်နားလည်ခြင်း
အပြုသဘောဆောင်သည့် စဉ်းစားတွေးခေါ်မှုများကို နားလည်သဘောပေါက်လာစေရန် ပထမဦးစွာ ၎င်း၏အကျိုးကျေးဇူးများက မည်သို့ မည်ပုံ အလုပ်လုပ်သည်ဆိုသည့် အချက်များအား ခြုံငုံသုံးသပ်မှုနှင့်ပင် စတင်ရပါလိမ့်မည်။ အလုပ်ခွင် သို့မဟုတ် အားကစားခွင်၌သော်လည်းကောင်း၊ မိတ်ဆွေများ သို့မဟုတ် မိသားစုဝင်များနှင့် ဆက်ဆံရာ၌သော်လည်းကောင်း အပြုသဘောဆောင်သည့် ပုဂ္ဂိုလ်များသည် အပျက်သဘောနှင့် ချင်းကပ်သူများထက် ပို၍ပျော်ရွှင်ပြီး ပိုမို၍အောင်မြင်မှုရရှိကြသည်။ ရှင်းအောင်ပြောရမည်ဆိုပါက အပြုသဘောဆောင်မှုက အလုပ်ဖြစ်စေ၏။
*အဓိကအချက် – အပြုသဘောဆောင်သည့် ပုဂ္ဂိုလ်များသည် ပိုမို၍ စွမ်းဆောင်နိုင်ကြ၏။ ပိုမို၍ ကျန်းမာကြ၏။ အပျက်သဘော တွေးတောသူများထက် ပို၍ ကောင်းမွန်သော ဆက်ဆံရေးများကို ရရှိထားကြ၏။
မောင်မြင့်ကြွယ် ဘာသာပြန်ဆိုထားသော မရှိမဖြစ် အပြုသဘောဆောင်သော အကောင်းမြင်စိတ်သဘောထား စာအုပ်မှ ကူးယူဖော်ပြသည်။
