ပုဇွန်ဟင်း
ပါဝင်သောပစ္စည်းများ
- ပုဇွန်လတ် – နှစ်ဆယ်ကျပ်သား
- ချင်း(ကြိတ်ပါ) – လက်ဖက်ရည်ဇွန်းတစ်ဇွန်း
- ကြက်သွန်ဖြူ(ထောင်းပြီး) – လက်ဖက်ရည်ဇွန်းတစ်ဇွန်း
- မန်ကျည်းမှည့်(အစေ့ထုတ်ပြီး) – စားပွဲတင်ဇွန်းလေးဇွန်း
- နနွင်း – အနည်းငယ်
- ငရုတ်နီမှုန့် – လက်ဖက်ရည်ဇွန်းလေးပုံတစ်ပုံ
- ဟင်းရွက်ဆီ – စားပွဲတင်ဇွန်းနှစ်ဇွန်း
- ကြက်သွန်ဖြူ(အမြွှာအတိုင်း) – သုံးမြွှာ
- အုန်းနို့ – ခွက်တစ်ခွက်
- ငရုတ်သီးစိမ်း(ပါးပါးလှီး) – နှစ်တောင့်
- နံနံပင်(ပါးပါးလှီး) – အနည်းငယ်
ပြုလုပ်နည်းအဆင့်ဆင့်
*ပုဇွန်ကို အခွံခွာရေဆေးပါ။ အိုးထဲထည့်ကာ ကြက်သွန်ဖြူ၊ ချင်း၊ မန်ကျည်းမှည့်၊ နနွင်း၊ ဆားနှင့် ငရုတ်သီးမှုန့်တို့ကို ထည့်၍ နယ်ပြီး ဆယ်မိနစ်ခန့်ထားပါ။
*ဆီကိုအပူပေး၍ ကြက်သွန်ဖြူ သုံးမြွှာကို ညိုလာသည်အထိ ကြော်ပါ။
*၎င်းထဲသို့ ပုဇွန်ထည့်၍ တစ်မိနစ်မွှေပါ။ ပုဇွန်အရောင်ပြောင်းလာပါမည်။
*အုန်းနို့ထည့်ပါ။ ထို့နောက် နံနံပင် နှင့် ငရုတ်သီးစိမ်းအုပ်ပါ။
*ဆော့စ်များ ဆူပွက်၍ အနည်းငယ်ပျစ်လာလျှင် သုံးဆောင်နိုင်ပါသည်။
(ဘုံဘေချက်နည်း)
မာမာစိုး ရေးသားထားသော အိမ်ရှင်မများအတွက် နိုင်ငံတကာ ချတ်နည်း၊ ပြုတ်နည်း စာအုပ်မှ ကူးယူဖော်ပြသည်။
