“စောစော အိပ်ရာဝင်ပြီး အိပ်ရာကနေ စောစောနိုးထတာက ကျန်းမာရေးကောင်းမွန်နိုင်ပြီး အလုပ်တွင်တွင်ကျယ်ကျယ် ပြီးမြောက်နိုင်တယ်ဆိုတာ သိရှိနေကြပေမယ့် အိပ်ရာ က စောစောထဖို့
အခက်အခဲဖြစ်နေပါသလား။ မနက်စောစော အိပ်ရာ က မထနိုင်တဲ့အတွက် ထမင်းဘူးအတွက်
အချိန်မီမပြင်ဆင်နိုင်တာတွေအပြင် ရုံးကို ကပျာကယာ အပြေးအလွှားသွားရတာကြောင့် ရုံးနောက်ကျလို့ လခအဖြတ်ခံရတာနဲ့ ထမင်းစားဖို့အတွက်လည်း ငွေကုန်ကြေးကျ များရတက်ပါတယ်။ ဒီလိုငွေကုန်ကြေးကျများတဲ့ ဒဏ်ကို မခံနိုင်တော့လို့ စောစောထဖို့ ကြိုးစားပေမယ့် အခုအထိ အရာမရောက်ဖြစ်နေသူတွေအနေနဲ့ ရှောင်ကြဉ်သင့်တဲ့အမူအကျင့်တွေကို ဖော်ပြပေးလိုက်ပါတယ်။”
သင့်အိပ်ခန်းကို မီးထွန်းထားခြင်း
မနက်အိပ်ရာက စောစောထလိုသူတွေအနေနဲ့ မိမိအိပ်ခန်းကို အမှောင်ချပြီးအိပ်သင့်ပါတယ်။ သင့်အခန်းကို အမှောင်ချထားပါမှ မနက်ခင်းမှာမြင်ရတဲ့ အလင်းရောင်ကို နေရောင်ခြည်အလင်းမှန်း သဲသဲကွဲကွဲ သိရှိနိုင်မှာပါ။
ဒါ့အပြင် သင့်မျက်လုံးက ရောင်ခြည်တန်းနဲ့ မထိတွေ့တော့မှသာ အိပ်စက်မှု ဟော်မုန်းတွေ ထွက်ရှိလာတဲ့အတွက်
အခန်းကမှောင်နေရင် သင့်ဦးနှောက်က အိပ်စက်ဖို့ အချိန်ကျလာပြီဆိုတာကို သိရှိသွားတာကြောင့် နှစ်နှစ်ခြိုက်ခြိုက် အိပ်ပျော်သွားနိုင်ပါတယ်။
ဖြေရှင်းနည်း
သင့်ရဲ့လက်ကိုင်ဖုန်း၊ တက်ဘလတ်နဲ့ အီလတ်ထရွန်နစ်ပစ္စည်း အားလုံးကို အိပ်ရာမဝင်မှီတစ်နာရီလောက်အ
အလိုမှာ သင်နဲ့ ဝေးတဲ့နေရာမှာ ထားလိုက်ပါ။
နှိုးစက်အကြိမ်ကြိမ်ပေးထားခြင်း
မနက်အိပ်ရာက စောစောထနိုင်ဖို့အတွက် နှိုးစက်ကို အနည်းဆုံးသုံးကြိမ်လောက်ပေးထားလေ့ရှိပါတယ်။ငါးမိနစ်
လောက် နှပ်ဦးမယ်၊ ၁၀ မိနစ်လောက်နှပ်ဦးမယ်ဆိုပြီး နှိုးစက်ပြန်ပိတ်ကာ ပြန်လည်အိပ်သွားတာက နှစ်ခြိုက်မှုမရှိတဲ့အတွက် အိပ်ရာက ပြန်လည်ထဖို့ ခဲယဉ်းနိုင်ပါတယ်။
ဖြေရှင်းနည်း
ဒီလိုလုပ်မယ့်အစား သင့်ထနိုင်မယ့် အချိန်တစ်ခုထဲကိုသာ နှိုးစက်ပေးထားလိုက်ပါ။ ကြာလာရင် ခန္ဓာကိုယ်က ကျင့်သားရပြီး မနက်အချိန်မှန်အိပ်ရာထတဲ့ အကျင့်ရရှိသွားပါလိမ့်မယ်။
မနက်စာမစားပဲနေခြင်း
မနက်စာ စားသုံးတာနဲ့ အိပ်စက်မှု စက်ဝန်းဆက်စပ်မှုရှိတယ်ဆိုတာ သင်သိပါသလား။ နံနက်စာ စားလိုက်တဲ့အချိန်မှာ ခန္ဓာကိုယ်က ဇီဝနရီကို ပြန်လည်ပြင်ဆင်ပေးလိုက်ပါတယ်။ မနက်စာစားတဲ့အချိန်ကစပြီး
အိပ်ချိန်ရောက်တဲ့အထိ ဇီဝနရီက ရေတွက်သွားတာပါ။ နံနက်စာ မစားပဲနေပြီး နေ့လယ်စာ စားချိန်ကျမှသာ
အစာစားလိုက်တဲ့အခါ ခန္ဓာကိုယ်က ဇီဝနရီရေတွက်တဲ့အိပ်ချိန်က အလိုလိုနောက်ကျသွားပါတယ်။ ဥပမာအားဖြင့်
မနက် ၈ နာရီမှာ မနက်စာစားသူတွေရဲ့ အိပ်ငိုက်ချိန်က ည ၁၀ နာရီလောက် ဖြစ်ပြီး မနက်စာကို ၁၁ နာရီလောက်မှ အစာစားသူတွေရဲ့ အိပ်ငိုက်ချိန်က ညသန်းခေါင် တစ်နာရီအချိန်ဖြစ်နေတာပါ။ ဒါ့အပြင် နံနက်စာမစားဘဲနေတာကြောင့် စိတ်ဖိစီးမှုဟော်မုန်းတွေက ထွက်ရှိလာပြီး မျက်စိကြောင်သွားနိုင်ပါတယ်။
ကျန်းမာရေးနှင့်ညီညွတ်မှုမရှိသော ညစာစားခြင်း
ညစာကို အဆီအအိမ့်များတဲ့အစာစားသုံးပြီး ကိတ်မုန့်လိုမျိုးအချိုစာတွေကို အချိုတည်းတာက အိပ်စက်မှုစက်ဝန်းကို နောက်ကျသွားစေနိုင်ပါတယ်။
ဖြေရှင်းနည်း
အဆီများတဲ့အစားအစာ၊ ဘူဖေးလိုမျိုးအစာတွေကို အိပ်ရာမဝင်ခင် ငါးနာရီအလိုကတည်းက စားပါ။
အချိန်ဇယားအတိအကျမရှိခြင်း
သင့်အနေနဲ့ နေ့စဉ်လုပ်ရမယ့်အချိန်ဇယားကို သတ်သတ်မှတ်မှတ်ထားပြီး အိပ်ချိန်၊ စားချိန်၊ ထချိန်တွေကို တူညီစွာ ထားရပါမယ်။ အိပ်ရာဝင်ချိန်နဲ့ အိပ်ရာထချိန်က တစ်နေ့ တစ်မျိုးဖြစ်နေရင် မနက်အိပ်ရာက စောစော
ထနိုင်မှာ မဟုတ်ပါဘူး။
ဖြေရှင်းနည်း
တူညီတဲ့အိပ်စက်ချိန်ကို နေ့တိုင်းအတွက် တစ်ပြေးညီသတ်မှတ်ထားပါ။
ရေနွေးဖြင့် ရေချိုးခြင်း
သင့်ခန္ဓာကိုယ်ရဲ့ အပူချိန်က ည၁၀ နာရီနောက်ပိုင်းမှာ အလိုလိုကျဆင်းလာပြီး အိပ်စက်ဖို့အတွက် အကောင်းဆုံးအပူချိန်ကို ထိန်းချုပ်ပေးထားပါတယ်။ ရေနွေးနဲ့ ရေချိုးလိုက်တဲ့အတွက် ခန္ဓာကိုယ်အတွင်း
အပူချိန်တွေ မြင့်တက်လာတာကြောင့် တော်ရုံနဲ့ အိပ်မပျော်တာတွေ ဖြစ်လာနိုင်ပါတယ်။
ဖြေရှင်းနည်း
အိပ်ရာဝင်ချိန်မှာ ကိုယ်အပူချိန်ပြန်လည်ကျဆင်းဖို့ လုံလောက်တဲ့အချိန်ရှိမှသာ ရေနွေးနဲ့ ရေချိုးသင့်ပါတယ်။
ဒေါက်တာခင်မိုးမိုး ရေးသားထားသော သင့်ကျန်းမာရေးအတွက် ရှောင်ရန် အမှုအကျင့်များ စာအုပ်မှ ကူးယူဖော်ပြထားပါသည်။
