ပင်လယ်စာဟင်းချို
ပါဝင်သောပစ္စည်းများ
- ပင်လယ်ဂုံး – အကောင်နှစ်ဆယ်
- ပင်လယ်ခရု – အကောင်နှစ်ဆယ်
- ပြည်ကြီးငါး – ဆယ်ကောင်
- ဂဏန်း – သုံးကောင်
- ပုဇွန် – ဆယ်ကောင်
- မုန်လာဥဖြူ – လေးဥ
- မုန်လာဥနီ – နှစ်ဥ
- မှို – တစ်ဘူး
- ကိုးရီးယားမုန်ညင်း – ငါးပင်
- အရိုးပြုတ်ရည် – လိုသလောက်
- ချင်း – တစ်တက်
- ကြက်သွန်ဖြူ – နှစ်ဥ
- ချီလီဆော့စ်(သို့)ငရုတ်သီးအနှစ်- နှစ်ဇွန်း
- ခရမ်းချဉ်သီး – သုံးလုံး
- ကြက်သားမှုန့် – လိုသလောက်
- ကြက်သွန်မြိတ် – ငါးပင်
ပြုလုပ်နည်းအဆင့်ဆင့်
*ဂုံးကို ရေစင်အောင်ဆေးပြီး အမဲချောင်းများကို ဓားဖြင့်လှီးထုတ်လိုက်ပါ။ ခရုကိုလည်း အခွံသင်ပြီး ရေစင်အောင် ဆေးထားပါ။ ပြည်ကြီးငါးကို ရေဆေးပြီး တစ်ခါစားစာ အတုံးကလေးများတုံးပါ။ ပြီးနောက် အပြားလိုက် ဇကာကွက်ကလေးများကဲ့သို့ မွှန်းလိုက်ပါ။
*ဂဏန်းကို အခွံသင်ပြီး ၂ပိုင်း ပိုင်းပါ။ ပုဇွန်ကိုလည်း အခွံသင်ပြီး အမြီးပိုင်းကလေးကို ချန်ထားလိုက်ပါ။ မုန်လာဥနီကို အပိုင်းကလေးများအဖြစ် လှီးထားပါ။ ကိုးရီးယားမုန်ညင်းကို အရွက်ရင်းများ ဖယ်ပြီး အပင်လိုက် ရေစင်အောင်ဆေးပါ။
*မီးဖိုပေါ်တွင် အရိုးပြုတ်အိုးတင်ပြီး ငရုတ်သီးအနှစ်နှင့် ချင်းကို ဓားပြားရိုက်၍ ထည့်လိုက်ပါ။ ထိုအထဲသို့ ဂုံးကို အရင်ဆုံး ထည့်ပါ။ ခပ်နာနာပြုတ်ပါ။ ဂုံးနူးလာလျှင် ကြက်သွန်ဖြူ ထု၍ထည့်ပါ။ ပွက်ပွက်ဆူလာလျှင် ခရု၊ ပြည်ကြီးငါးနှင့် ဂဏန်းများထည့်ပါ။
*မှိုနှင့် မုန်လာဥများ ထည့်ပါ။ ခရမ်းချဉ်သီးကို လေးစိတ်စိတ်၍ ထည့်ပါ။ အရသာအတွက် အရိုးပြုတ်ရည်နှင့် ကြက်သားမှုန့်ကို လိုသလို ထည့်ပါ။ ထို့နောက် ပုဇွန်များကို ထည့်လိုက်ပါ။ စားခါနီးလျှင် ကြက်သွန်မြိတ်နှင့် ငရုတ်ကောင်းအုပ်၍ သုံးဆောင်ပါ။
မာမာစိုး ရေးသားထားသော အိမ်ရှင်မများအတွက် နိုင်ငံတကာ ချတ်နည်း၊ ပြုတ်နည်း စာအုပ်မှ ကူးယူဖော်ပြသည်။