ဂျပန်ကို ပထမအဆုံးအကြိမ်သွားရင် ကြုံတွေ့ရမယ့်အချက်များ:ဂျပန်ကို ပထမအဆုံးအကြိမ်သွားရင် ကြုံတွေ့ရမယ့်အချက်လေးတွေကို တင်ပြလိုက်ပါတယ်။
- လေဆိပ်ကစပြီး နားလည်မလွယ်သော အင်္ဂလိပ်စကားကို ကြားရမှာပါ။ လေဆိပ်မှာ လေယာဉ်ပျံပေါ်ကနေဆင်းတာနဲ့ သန့်ရှင်းနေတဲ့လေယာဉ်ကွင်းကြီးနဲ့အတူ အင်္ဂလိပ်လိုပြောနေပင်မဲ့ ဘာတွေပြောမှန်းမသိသော ဝန်းထမ်းမိန်းကလေးတွေကို တွေ့ရမှာပါ။ကိုယ်တိုင်လည်း ဖြေးဖြေးပြောဖို့လိုသလို သူတို့ပြောတာကိုလည်း ဂရုတစိုက်နားထောင်ပါ။
- အိမ်သာသုံးနည်း ကိုလေ့လာထားပါ။ လေယာဉ်ပေါ်ကနေဆင်းတာနဲ့ အိမ်သာကိုပြေးချင်သောသူလဲရှိမှာပါ။ ဂျပန်မှာ အိမ်သာ ၂မျိုးရှိပါတယ်။ ကမုတ်(သာမန်) နှင့် ဘိုထိုင် ပါ။ ဘိုထိုင်ကတော့ အထူးအဆန်းမဟုတ်ပင်မဲ့ သာမန်အိမ်သာကတော့ အထိုင်မှားရင် ပြောင်းပြန်ဖြစ်ပြီး အဆင်မပြေနိုင်တာတွေရှိနိုင်တာကြောင့် သတိထားပါ။
- Immigration Desk မှာ လက်ပွေနှိပ်ရမှာပါ။ ဂျပန်သို့လာသော ဘယ်နိုင်ငံသားမဆို Immigration Desk မှာလက်ပွေနှိပ်ရမှာပါ။ သူတို့ပြောတဲ့အတိုင်း စက်ထဲကို လက်တချောင်းချင်းထည့်ပြီး လက်ပွေနှိပ်ပါ။
- ဆိုင်းဘုတ်ကို သေသေချာချာကြည့်ပါ။ လေဆိပ်က ဆိုင်းဘုတ်တွေ တော်တော်များများကတော့ အင်္ဂလိပ်လိုရေးထားပင်မဲ့ အပြင်ရောက်သွားတဲ့အခါ အင်္ဂလိပ်လို မရေးထားသောနေရာက များတာကြောင့် သေသေချာချာကြည့်ပြီးသွားပါ။
- ပိုက်ဆံကို ကြိုတင်ပြီး လဲထားပါ။ ဂျပန်က အခြားနိုင်ငံတွေလို ပိုက်ဆံလဲရန်နေရာ သိပ်မရှိတဲ့အတွက် ပိုက်ဆံကို ကြိုတင်လဲထားသင့်ပါတယ်။ ဂျပန် YEN မှလွဲ၍ အခြားပိုက်ဆံသုံးမရပါ။
- ဖုန်းပြောရင်အတွက် အကြွေဆောင်ထားပါ။ ဖုန်းမပါသူတွေအတွက် အရေးတကြီးဖုန်းပြောဖို့အတွက် ဂျပန်ပိုက်ဆံ အကြွေစေ့လေးတွေကို ဆောင်ထားရန်လိုအပ်ပါတယ်
- ဗိုက်ဆာရင်ဘာစားမလဲ။ လေဆိပ်ကဆိုင်တွေက ဈေးကြီးသောဆိုင်တွေက များတဲ့အတွက် မြန်မာပြည်က ABC Store လိုဆိုင်လေးတွေမှာ အဆာပြေဝယ်စားနိုင်ပါတယ်။ အနည်းဆုံး ဘာစားစား ၁၀၀၀ ကျပ်ထက်တော့မနည်းပါ။
- မြို့ထဲကို သွားဖို့ဘယ်လိုလုပ်ရမလဲ။ မြို့ထဲကို ဘ(စ်)ကားနဲ့သွားနိုင်သလို ရထားနဲ့လည်းသွားနိုင်ပါတယ်။ ကိုယ်သွားမဲ့နေရာကို သေသေချာချာလေ့လာထားဖို့လိုအပ်ပါတယ်။ TAXI စီးဖို့တော့ မစဉ်းစားပါနဲ့။ ပါလာတဲ့ပိုက်ဆံလေးတွေ အကုန်ပြောင်သွားပါလိမ့်မယ်။ ဂျပန်TAXIတွေဟာ Meter စနစ်ဖြစ်ပြီး ပထမစပြီးစီးလျှင် 1 Meter ကို မြန်မာကျပ် ၇၂၀၀ လောက်ကျပါတယ်။
- ရထားစီး ကားစီးချိန် အိပ်မပျော်စေပါနဲ့။ ရထားရော ကားရော ငြိမ့်ငြိမ့်ညောင်းညောင်းစီးရတာကြောင့် မထင်မှတ်ပဲ အိပ်ပျော်သွားရင်တော့ မသိတဲ့ဘူတာ မှတ်တိုင်ရောက်မှ နိုးရင်တော့ ဒုက္ခရောက်တတ်ပါတယ်။
- လမ်းကူးရင် သတိထားပါ။ ဂျပန်မှာလမ်းတွေက မြန်မာပြည်နဲ့ ပြောင်းပြန်ဖြစ်တာကြောင့် လမ်းကူးရင် ဘယ်ဘက်ကို ကြည့်ရမဲ့အစား ညာဘက်ကို ကြည့်ရမှာပါ။ အကြည့်မှားလို့ကတော့ တခုခုဖြစ်နိုင်ပါတယ်။
japan knowledge sharing page မှ ကူးယူဖော််််််ပြသည်။
