ဝက်နံရိုးဟင်းချို
ပါဝင်သောပစ္စည်းများ
- ဝက်နံရိုး – သုံးဆယ်ကျပ်သား
- မုန်ညင်းရွက် – နှစ်ပင်
- မုန်လာဥဖြူ – သုံးဥ
- ချင်း – တစ်လက်မတစ်ဝက်
- ကြက်သွန်ဖြူ – နှစ်ဥ
- ပဲငံပြာရည်အကြည်- နှစ်ဇွန်း
- ဆား – အနည်းငယ်
- သကြား – အနည်းငယ်
- တရုတ်နံနံ – နှစ်ပင်
ပြုလုပ်နည်းအဆင့်ဆင့်
*ဝက်နံရိုးများကို ရေဆေးပြီး ဆား၊ ငံပြာရည် နယ်ထားပါ။ မုန်ညင်းရွက်ကို လက်၂ဆစ်ခန့် လှီးဖြတ်ထားပါ၊၊ မုန်လာဥဖြူကို အခွံသင်ပြီး လက်၂ဆစ်ခန့် အတုံးကလေးများ လှီးဖြတ်ထားပါ။
*ချင်းကို ဓားပြားရိုက်ထားပါ။ ကြက်သွန်ဖြူကို အခွံသင်ပြီး ထက်ခြမ်း ခြမ်းထားပါ။ မီးဖိုပေါ်တွင် အိုးတင်ပြီး သကြားအနည်းငယ် ထည့်လှော်ပါ။ အရောင်ညိုလာလျှင် ဝက်နံရိုးများထည့်ပြီးမွှေပါ။
*ဝက်နံရိုးနူးစေရန် ရေအနည်းငယ်ထည့်၍ ပြုတ်ပါ။ ဝက်နံရိုးနူးအောင် ပြုတ်ပါ။ ဝက်နံရိုးများ နူးသွားလျှင် မုန်လာဥဖြူထည့်ပါ။ မုန်လာဥ နူးအောင်တည်ပါ။ အပေါ့အငန်အတွက် ကြက်သားမှုန့်ထည့်ပါ။ အနေတော်လျှင် မုန်ညှင်းရွက်၊ တရုတ်နံနံ အုပ်လိုက်ပါ။
*ကြက်သွန်ဖြူထည့်ပြီး နူးအောင်တည်ရမည်။ ငရုတ်ကောင်းကြိုက်လျှင် ထည့်ပြီးသုံးဆောင်ပါ။
မာမာစိုး ရေးသားထားသော အိမ်ရှင်မများအတွက် နိုင်ငံတကာ ချတ်နည်း၊ ပြုတ်နည်း စာအုပ်မှ ကူးယူဖော်ပြသည်။