မှန်လေ့ကျင့်ခန်း။

(The mirror exercise)

ဆိုရိုးစကားဟောင်းတစ်ခုရှိသည်။ ကျွန်ုပ်တို့ အခြားသူများထံတွင် မကြိုက်မနှစ်သက်ဆုံးအရာသည် ကျွန်မတို့ကိုယ်တိုင်တွင် မကြိုက်မနှစ်သက်ဆုံးအရာဖြစ်သည်။

ထိုအချက်ကို စိတ်တွင်မှတ်ပြီး ဆက်ဆံရေးတစ်ခုတွင် အလွန်အကျွံဖြစ်နေသည့် ဆန့်ကျင်သောသဘောထား၊ မကျေမချမ်းမှု၊ ဆင်ခြင်တုံတရား၊ သို့မဟုတ် တင်းမာမှုကိုဖယ်ရှားရန် မှန်လေ့ကျင့်ခန်းကို အသုံးချပါ။ နောက်တစ်ကြိမ် သင် ဒေါသထွက်ခဲ့လျှင် ယင်းကို အခြားတစ်ဖက်သို့ လှန်တွန်းပါ။ တစ်နည်းဆိုသော် သင်ထိုသူနှင့် မည်သို့တူညီစွာပြုမှုသည် (သို့မဟုတ် ထိုအပြုအမှုမျိုးလိုက်လုပ်မိမည်ကို စိုးရိမ်ပြီး အားအင်ကုန်လောက်အောင် ရှောင်ရှားခြင်း) ကို သင့်ကိုယ်သင်မေးပါ။ သူ့ကိုကြည့်ပြီး ဝေဖန့်မည့်အစား စိတ်ထဲတွင် ပြောင်းပြန်လှန်တွေးပါ။

ဥပမာ- သင်သည် အချိန်တိကျသူတစ်ဦးအဖြစ် ကျေပွန်သည်။ သင်ထလိုသည့်အချိန်ထက် ပိုစောစောထသည်။ သင် အချိန်မီရန် အလျင်စလိုလုပ်သည်။ ယာဉ်တန်းနှေးနေလျှင် သင့်စိတ်ကယောက်ကယက်ဖြစ်သည်။ နံနက်ပိုင်းကို သင့်မိသားစုနှင့် ဗျာများသည်၊ အဆင်မပြေဖြစ်သည်။ သင့်အလုပ်သို့ အချိန်မီရောက်လိုခြင်း တစ်ခုတည်းကြောင့်ဖြစ်သည်။ ကဲဆိုပါစို့… သင်၏လုပ်ဖော်ကိုင်ဖက်တစ်ဦးသည် ပုံမှန်အားဖြင့် အလုပ်သို့ ငါးမိနစ်ခန့် မသိမသာ နောက်ကျရောက်သည့် အလေ့အထရှိသည်။ သင်ထိုအပြုအမူကို အတော်မကျေမချမ်းဖြစ်မည် သေချာသလောက်ရှိသည်။ သင်က အချိန်မှန်မှုကို ဦးစားပေးသည်၊ ထိုသူက ယင်းကိုအလေးမထား။ ဟုတ်ပါသလား။

ထိုအခါ သင့်ထံတွင်လည်း အချိန်မှန်ခြင်းနှင့်စပ်လျဉ်းပြီးအခက်အခဲရှိသည်ဆိုခြင်းကို သဘောပေါက်ပါမည်။ သို့မဟုတ်ပါက သင် သွားရောက်လိုသည့်နေရာများအတွက် သင့်မှာ အချိန်ပိုများစွာရှိမည်။ ထိုတခြားသူသည် အချိန်တိကျရန် သင့်ကဲ့သို့ ဒုက္ခခံခြင်း မရှိနေခြင်းသည် သင့်အား စိတ်ဆိုးစေသည်။ ယင်းသည် အချိန်မှန်ခြင်းကို သင်၏ ဦးစားပေးမှုအား အလေးထားရန်အတွက်နှင့် စိတ်အေးချမ်းမှုနှင့် ဖိစီးမှုလျော့ကျခြင်းတို့ကို အဆုံးရှုံးခံနေသည်ဟု သင်ခံစားရသဖြင့်ဖြစ်သည်။

ထိုရုံးနောက်ကျသူကို မကျေမချမ်းဖြစ်မည့်အစား သင်လည်း နောက်ကျနိုင်စွမ်းအားရှိသည်ဆိုခြင်းကို မြင်ကြည့်ပါ။ သင်တကယ်တမ်းလည်း တစ်ခါတစ်ရံ (မကြာခဏ မဟုတ်လျှင်ပင်) နောက်ကျသည်။ ကျွန်ုပ်တို့အားလုံး တစ်ခါတစ်ရံ နောက်ကျကြသည်။

    သင့်ကိုယ်သင် ဝေဖန်ခြင်းကိုသူများအပေါ်သို့ လွှဲပြောင်းခြင်း (ယင်းသည် ပိုလွယ်ကူပြီး ပိုပျော်စရာကောင်း၍) ဖြစ်နေသည်ဆိုခြင်းကို သဘာပေါက်ပါ။

ထိုဖြစ်စဉ်ကို သာမန်အားဖြင့် တွေ့ရှိနိုင်သည့် ဧရိယာများအကြောင်း ဆက်ဖတ်ပါ။

မြနှင်းဆီ ဘာသာပြန်ရေးသားထားသော သင့်လုပ်ငန်းတွင် မွေ့လျော်ရန် နည်းလမ်း ၁၀၁သွယ်စာအုပ်မှ ကူးယူဖော်ပြထားပါသည်။