ဂဏန်းခေါက်ကြော်
ပါဝင်သောပစ္စည်းများ
- ကြက်ဥ – လေးလုံး
- ဂဏန်းသား – တစ်ဆယ်ကျပ်သား
- ကြက်သွန်နီဥသေး – နှစ်လုံး
- ငါးပြုတ်ရည် – စားပွဲတင်ဇွန်းနှစ်ဇွန်း
- ငရုတ်သီးစိမ်းပါးပါးလှီးပြီး – သုံးတောင့်
- ငရုတ်ကောင်း – လက်ဖက်ရည်ဇွန်းလေးဇွန်း
- ဆား – လက်ဖက်ရည်ဇွန်းနှစ်ဇွန်း
- ဆီ – စားပွဲတင်ဇွန်းနှစ်ဇွန်း
ပြုလုပ်နည်းအဆင့်ဆင့်
*ကြက်ဥကို ဆား၊ ငရုတ်ကောင်းတို့ သင့်ရုံထည့်ပြီး မွှေပါ။
*ဂဏန်းသားများကို အသားချည်းသက်သက် သန့်ထုတ်ပါ။
*ဆီတစ်ဝက်ကို အပူပေးပြီး ပါးပါးလှီးထားသော ကြက်သွန်နီနှင့် ငရုတ်သီးထည့်ကြော်ပါ။
*ဂဏန်းသားကိုထည့်ပြီး မိနစ်အနည်းငယ်ထားပါ။
*ထို့နောက် ငါးပြုတ်ရည်ကို ဂဏန်းသားအပေါ်မှာ ဖျန်းပေးပါ။
*ကျန်ဆီကို သီးခြားဒယ်အိုးဖြင့် အပူပေးပြီး မွှေထားသော ကြက်ဥကို ထည့်ပါ။
*ကြက်ဥအပေါ်ယံ တင်းလာလျှင် ဂဏန်းသားကို ဇွန်းနှင့် ခပ်၍ ကြက်ဥလွှာအလယ်သို့ တဖြည်းဖြည်းချင်း ချပေးပါ။(ဗီယက်နမ်ချက်နည်း)
မာမာစိုး ရေးသားထားသော အိမ်ရှင်မများအတွက် နိုင်ငံတကာ ချတ်နည်း၊ ပြုတ်နည်း စာအုပ်မှ ကူးယူဖော်ပြသည်။